!!!!!!!!!!دور الملايكه!!!!!!!!!!

من طرف منى 11/28/2008, 6:56 am

دور الملايكه

الجو كله غيام وسحاب مغطي النور وحزن مالي الناس و جوا القلوب بيدور
و مر الذكريات شايفه في سرحان العيون و الناس بتبكي بدل الدمعتين بحور
واللي صعبانه عليه نفسه واللي صابه الجنون واللي مستني يجي عليه الدور
وكل قلب من الاحزان مفتور و لما يلاقي طريق للامل يطلع الطريق مكسور

كل الناس حزانا ولا لاقي حد سعيد وكل القلوب ضعيفه ولا في قلب شديد
ملقيتش فيهم ظالم الكل مظلوم طب مين بيقسي عليهم ومين قلبه من حديد
محدش قال انا بجرح و اخدع وبخون و مليش غالي مش بسمع رد جديد
كلهم ملايكه و محدش بيكره حد كله قلبه ابيض ومسامح ومفيش حد عنيد
طب دا الناس اشكال والوان واختلاف اطباعهم زي اختلاف صوابع الايد

تعالو نراجع نفسنا هنلاقي لينا من الظلم نصيب هنلاقي فينا الخاين و فينا اللي ملوش حبيب
و نجرب و نيجي علي قلوبنا و نراجع اللي فات و نشوف عملنا ايه من الشر وعن عقولنا بيغيب
دا حتي الجو فصول ربيع وصيف وشتا وخريف وفي اللي فات اكيد ظلمنا اكيد كنا حد تاني غريب
تعالو ندعي ربنا يسامحنا علي كل ذنوبنا و نعدي بسلام اللي جاي و ننسي دور الملايكه العجيب!!!

اسف يا مرعبين لعدم تواجدي اليومين دول مشغول جامد بجد بعتزر ويارب دي تعجبكم وياريت كمان تناقش في موضوعها سواء بالخواطر او بالكلام العادي يعني فعلا دي حقيقه كله بيحب يبان حزين ولا هوا كله حزين فعلا كدا يعني مستني ردودكم