انت لسة برضه مصلتش السنن؟؟

من طرف منى 11/28/2008, 6:17 am

عارفين انى دى مشكله بجد بيعانى منها كتير جدا مننا
بس انهارده عملت سيرش عن السنن وليه مهمه؟ وياترى اجرها ايه؟ طب لو مصلتهاش هخسر وهاخد سيئات

بس لمادخلت التوبيكات بتاعت السنن لقيت ان الموضوع اكبر بكتير من مجرد هاخد حسنات ولا هاخد سيئات

عارفين انا كنت اعرف حديث هو اللى كان بيخلينى نفسى اخلص اليوم واكون مصليه السنن كلها اللى هما مجموعهم 12 ركعه

والحديث دا كان بيقول ايه

شوفوا..

الرسول صلى الله عليه وسلم كان بيقول (ما من عبد مسلم يصلي لله تعالى في كل يوم ثنتي عشرة ركعة تطوعاً غير الفريضة إلا بنى الله له بيتاً في الجنة )

تصوروا؟

يعنى لو كل فرض صلينه السنن بتاعته وكل يوم عملنا كدا

يا ترى عقبال ما نموت هيكون لينا كام بيت فى الجنه؟

وعلشان كدا كنت لما مصليش سنه اقول خلاص مش هصلى بقيت سنن الفروض لان خلاص كدا مش هيبقوا 12 ركعه

لكن دا لما دورت لقيت ان ملكا سنه فضل كبير جدا

يعنى مثلا الضهر سننه اربع ركعات قبله وركعتين بعده وفى بيقولولوا اربع ركعات بعده

يعنى لو حسبتوها مش هتاخد وقت خااااااااالص

بس تعالوا اقلكوا بقا الفرق بين اللى بيصليهم واللى بيصلى الفرض بس

شوفوا الرسول صلى الله عليه وسلم بيقول ايه؟
(من يحافظ على أربع ركعات قبل الظهر وأربع بعدها حرمه الله على النار )

تصوروا؟ يعنى فى العشر دقايق دول بس ربنا يحرمنا على النار

يعنى اللى بعد ما صلى الضهر وقبل ما يصليه صلى بس اربع ركعات

كل يوم بيحرمه ربنا على النار

يعنى تقريبا عقبال ما يجى يوم وفاته شوفوا بقى هيكون اجره ايه؟ وتصوروا اننا فى اللحظه اللى بنقول فيها :لاء كفايه الضهر .....فى اللحظه دى بنحرم نفسنا من اجر عظيم جدا

وهو اننا ربنا بيحرمنا على النار؟

طب ياريت هو دا بس اجر اللى بيصلى سنن الضهر

دا شوفوا كمان اجر صلاة سنن الضهر ايه..
الرسول صلى الله عليه وسلم بيقول :{ انه اذا زالت الشمس فتحت ابواب السماء فلا يغلق منها باب حتى تصلى الظهر ، فأنا أحب أن يرفع لي في تلك الساعة خير )
تصور؟

ابواب السما كلها مفتوحه فى الوقت دا؟

ومكسل تصلى اربع ركعات

دا ربنا فاتتحج ابوبا السما ومستنيك تصلى وتدعى وهو اكيد ان شاء الله يتقبل

تصور بقى
شوف الفرق كبييييييييييير ازاى بين اللى انتصر على نفسه وقال لاء امنا هصلى السنن بتاعت الضهر

علشان لو صليتهم

ربنا هيحرمنى على النار وكمان دا ابواب السما بتبقى مفتوحه فى ايه خير اكتر من كدا
وتصور اللى كسل وقال يا عم كبر بقا انا مش صليت الضهر ..تصور خسر اد ايه؟
والمشكله انها مش بتاخد اكتر من دقايق لكن شوفوا اجرها اد ايه؟

طب دا فضل سنن الضهر بس

يعنى لو فى اليوم كله مصليتش من السنن غير سنن الضهر ..........خلاص هتبقى كده حرمت على النار وكمان اترفعت ليك صلاة ودعاء وذكر وابواب السما مفتوحه....... وكل دة فى دقايق بس شوف الاجر عامل ازاى.